Transcription
1
Monseigneur, je vous ay naguères envoyé par le moyen de
2
monsieur le president de Portes ung paquet de monsieur
3
d’Haulthefort et coppie des nouvelles quil ma faict scavoir.
4
Despuys, jay receu par ce porteur votre lettre du XIe de ce
5
moys suyvant laquelle jay visité et visiteray, comme aussi
6
a faict et fera ma fille d’Agnières, votre niepce ma
7
damoiselle de St Prie et ne demeurera quelle ne soit secourue
8
de tout mon povoir. Je vous remercye bien humblement
9
des nouvelles quil vous a pleu me faire scavoir. Le procureur
10
Fleury qui fut prisonnier le jour que Maubec et
11
Bourgel furent tuez, revynt hyer comme jestoys de garde
12
à la porte de Legnier. Au lieu de luy ont esté renduz
13
le mynystre et Margalier. Il dict que ceulx de Mentz
14
se sont assemblez à Chorges avec une troupe dautres
15
que y a deu conduyre Montbrun pour aller donner sur une
16
des villes que nous tenons et si dict quil a opinion
17
quilz ne viendront ensemble çabas, synon que les grans
18
neiges les en gardent. Autres nouvelles ne vous puys
19
je faire scavoir, synon que de peur que ne me reprenez
20plus du prest des XX ecus que je [barré : feis ] prestay pieça à Montronx,
21
je men suys faict payer par justice, car par prières ne les
22
povoyt je avoir despit de ce et autre menterie que,
23
controuvé hier au logis et en presence de monsieur notre gouverneur,
24il ataqua monsieur [barré : d’Agnières ] d’Allières, luy disant quil sentendit
25
avec les huguenaux et quil avoit saufconduit deulx pour
26
ses maisons. Il y eut du sot apellé par pays et ung
27
peu de desmentie. Je suys marry de tel propos.
28
Monseigneur, je me recommande très humblement à votre bonne grace et
29
prie le Createur vous donner santé et longue vye. De Grenoble, ce XVe de fevrier.
30
Votre très humble et hobeyssant serviteur
31
Prunier.